الناشر و رئيس التحرير : محمود كريشان
التاريخ : 2013-11-27
الكاتب : د. فاضل الزعبي

إحترنا يا قرعة!

ابو يوسف كان كل جمعه يحط كم غنمه في البكم ، و يطلع من القريه لسوق الحلال الكبير ميشان يبيعلو كم غنمه حتى يطعمي هالعيال و يربيهم.

وقفته نقطة تفتيش قبل ما يدخل المدينه ، سال ابو يوسف الشاويش ، من اميت بتفتشو. شو هاي شغله جديده. الشاويش اتنحنح و قالو هاي شغايل المختار الجديد.

سال الشاويش ابو يوسف : وين رايح بالغنمات.

يا شاويش زي ما انته عارف ، لسوق الحلال.

و الله يا ابو يوسف غنماتك مربربه و ملانه ما شاء الله. شو بتطعميهاااا

انا يا شاويش داير بالي عليها بطعميها شعير و مرات قمح.

الشاويش صقع ابو يوسف كف. انته ما بتستحي يا ابو يوسف الناس ميته جوع و المختار بيدفع من حيبته نص حق القمح ميشان الناس توكل خبز رخيص و انته بتظيع خير البلد عالغنم. امشي ارجع لقريتك. و طبعا صادر الشاويش الغنمات المخالفه لقانون التموين و برنامج دعم قوت الشعب من ميزانيه المختار. الغنمات وين راحو؟ يمكن لدعم المختار.



ابو يوسف في الجمعه اللي بعدها و قفتوه النقطه و كان العريف مناوب.

العريف كيف عالغنمات المربربه و سأل ابو يوسف شو بيطعميها.

ابو يوسف هالمره كان حريص. و الله يا عريف بخليها تطلع حوالين البيت ترعى من هالحشيش و ما تيسر.

صقع العريف ابو يوسف خماسي جامد. يا حرامك يا ابو يوسف ، وين الرفق بالحيوان شو انته كافر. خاف ربك يا رجل. امشي ارجع لقريتك. و طبعا صادر العريف الغنمات اللي صاحبها مضطهدها و مخالف لقانون الرفق بالحيوان و لوضعها في دور رعاية الغنم. الغنمات وين راحو؟ يمكن لدعم المختار.



ابو يوسف في الجمعه اللي بعدها ، و لما وقفتوه نفس النقطه ، و قبل ما حدا يسألوه او يوكلوه كف. قال للشاويش: عمي انا بعطي كل غنمه مصروفها بايدها و هي بتتتصرف.



ابو فهمي بعد ما سمع هالسولافه. قال لابو يوسف.؛ يعني احترنا منين نبوسك يا قرعه.

لا والله و انت الصادق. ابو لطفي منشار طالع واكل و نازل واكل و قاعد واكل.



بدي ارفع و بدك تدفع. رحت يمين بتدفع!!!! شمال بتدفع !!! واقف محلك بتدفع.

احتار ابو يوسف من هالسولافه و ما عرف شو بدو يسوي.

شو ظل يا ابو لطفي بدو رفع .......

حبيبي جريده كامله ما في .. جريده بعشرين صفحه ما في ... جريده من غير صفحات كمان نا في... جريده ما في ... برضه كمان ما في...

طلعو الشباب مسيره بيصيرو مخربين .... قعدو فيبيوتهم بيصيرو معتصمين معطلين لعجلة الانتاج. .... طلعو عالشغل كمان بيكوني بتحدوا المختار ...

اسمع ابو فهمي فكرك هالمختار اذا انقلع ... اللي بعده رح يعمل نفس الشي..
   
الإسم
نص التعليق
تتم مراجعة كافة التعليقات ،وتنشر في حال الموافقة عليها فقط ،
ويحتفظ موقع 'الهلال نيوز الإخباري' بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أو خروجا عن الموضوع المطروح ، علما ان التعليقات تعبر عن أصحابها فقط .

الاردن الاخبار , اخبار الاردن, عاجل من الاردن , المحافظات الاردنية ,الطقس بالاردن
اخبار الاردن
الاردن اليوم
أكشن اليوم العربي Action Today Action Today